Tsaffin 'yan wasan Arsenal zasu yi bankwana da Wenger
Hukumar gudanarwar kungiyar Arsenal ta aikewa duk wani tsohon dan wasanta da ya buga mata wasanni 100 zuwa sama sakon gayyata, domin halartar bikin bankwana da mai horar da ita Arsene Wenger.
Wallafawa ranar:
Shahararren dan wasan Najeriya da ya ajiye takalmi Nwanko Kanu na daga cikin tsaffin ‘yan wasan kungiyar ta Arsenal da zasu halarci kallon wasan karshe a karkashin Arsene Wenger, wanda kungiyar zata yi a filinta na Emirates ranar Lahadi mai zuwa, inda zata fafata da Burnley.
Sauran tsaffin ‘yan wasan Arsenal da zasu halarci wannan wasa sun hada da Thierry Henry, Tony Adams, Bob Wilson, Frank Mac Lintock, Ian Wright da sauransu.
A cikin shekaru 22 da ya shafe yana horar da Arsenal, Wenger ya jagoranci kungiyar lashe kofunan gasar Premier 3 da kuma kofunan gasar FA 7.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu