Manchester United ta saye Alexis Sanchez
Kungiyar Manchester United ta saye Alexis Sanchez na Arsenal kan yarjejeniyar da ya kunshi musanya dan wasan da Henrikh Mkhitaryan.
Wallafawa ranar:
Sanchez dan kasar Chile mai shekaru 29 ya cim-ma yarjejeniya kwantiragi shekaru 4 da rabi da United akan fan miliyan 14 bayan haraji.
Man City da ta so daukan dan wasan tun a bara, a makon da ya gabata ta ce ta fasa cinikin saboda Sanchez zai kasance mafi tsada a kungiyar.
Mkhitaryan mai shekaru 29 kuma zai koma gurbin Sanchez bayan zura kwallaye 13 a wasanin 63 da ya bugawa United.
A watan Yuli 2016 Mkhitaryan dan asalin Armenia ya koma Old Trafford daga Borussia Dortmund kan fan milyan 26.3
Arsenal za ta haska Mkhitaryan a wasan Frimniyar da za ta fafata da Swansea ranar 30 ga watan Janairu.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu