Djokovic ya lashe gasar Paris Masters

Novak Djokovic ya lashe gasar Paris Masters bayan ya doke David Ferrer da ci 7-5, 7-5 a wasan karshe na gasar da aka kammala a jiya Lahadi a filin wasa na Bercy Arena. 

Novak Djokovic a lokacin da ya lashe gasar Paris Masters RFI/Pierre René-Worms

Ferrer ya kasance dan wasan Tennis na farko da ya kasa kare kofin wannan gasa yayin da Djokovic ke hangen kwato matsayi na daya da Rafael Nadal ya karbe a hnunshi yayin da suke shirin karawa gasar duniya ta London da za a fara a wannan makon.

Har ila yau wannan nasara na nufin Djokovic shine dan wasan Tennis 15 a duniya da ya lashe gasa 40 a rayuwarshi ta wasan tennis.

“Ina mai matukar farin ciki a yanzu, wannan shine mako mafi girma a wannan kakar wasa.” Inji Djokovic.