Azarenka da Serena sun tsallake zagaye na biyu a Australian Open
Jarumar Tennis ta Duniya Victoria Azarenka ta tsallake zagaye na biyu a gasar Australian open bayan lashe wasanta na farko. Kamar yadda Serena Williams ta sha da kyar a hannun ‘Yar kasar Romania Edina a wasan farko saboda Fama da rauni a idon kafarta. Akwai dai yiyuwar Serena da Azarenka za su iya haduwa zagayen kusa da karshe idan har sun tsallake.
Wallafawa ranar:
Tsohuwar Jarumar Tennis ta duniya ma Caroline Wozniacki ta tsallake bayan doke ‘yar kasar Jamus Sabine Lisicki.
Amma Sara Erani ta Italia ta fice gasar bayan ta sha kashi a hannun ‘Yar wasan kasar Spain Carla Suarez Navarro.
A bangaren maza kuma Andy Murray na Birtaniya ya tsallake zagaye na gaba bayan ya sha da kyar a hannun dan kasar Holland Robin Hasse.
Murray shi ne ya buga wasan karshe tsakanin shi da Novak Djokovic a bara, amma a wasan shi da Robin dan wasan ya ta yin kuskuren mika kwallo.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu