Corinthians ta doke Al Ahly a gasar zakarun Duniya

Kungiyar Corinthians ta Brazil ta tsallake zuwa buga wasan karshe a gasar Duniya ta kungiyoyin kwallon kafa bayan doke Kungiyar Al Ahly ta Masar ci 1-0 a wasan kusa da karshe da aka gudanar a kasar Japan.

'yan wasan Kungiyar Corinthians ta Brazil suna sallama da filin wasa bayan sun doke Ahly ta Masar a Japan Reuters

A yau Alhamis ne dai kungiyar Chelsea daga Nahiyar Turai zata kara da kungiyar Montera ta kasar Mexico. Kuma cikinsu duk kungiyar da ta samu nasara ita ce zata kara da Corinthians a wasan karshe.

Ana dai gudanar da gasar ne tsakanin kungiyoyin da suka lashe kofin gasar zakaru a Nahiyoyinsu, kuma duk kasar da ta lashe gasar ita ce zakara a duniya.