Kusan 'yan Ukraine miliyan 4 sun tsere daga kasar sakamakon mamayar Rasha
Alkalumman majalisar dinkin duniya na nuni da cewa mutane miliyan 3 da dubu darin 8 ne suka tsere daga Ukraine tun da Rasha ta fara luguden wuta a kasar wata daya da ya wuce.
Wallafawa ranar:
Hukumar kula da ‘yan gudun hijira ta majalisar, wadda ta ce an samu raguwar kwararar ‘yan gudun hijara, ta ce a Asabar, mutane dubu 48 da 450 suka bar kasar, kuma kimanin kashi 90 mata ne da yara.
Miliyan 2 da dubu dari 2 sun tsere ne zuwa makwafciya Poland, a yayin da fiye da rabin miliyan suka shiga kasar Romania, kana kusan dubu dari 3 sun samu sun shiga Rasha.
Kafin rikicin da aka fara wata daya da ya wuce, Poland, wadda mamba ce ta kungiyar tarayyar Turai, ta kasance gida ne ga kusan ‘yan Ukraine miliyan 1 da rabi.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu