Dubban 'yan Brazil na zanga-zangar neman tsige shugaban kasar
Dubban ‘yan Brazil sun kaddamar da zanga-zangar adawa da gwamnati inda suke neman shugaban kasar Jair Bolsonaro yayi murabus, saboda gazawa wajen dakile yaduwar annobar Korona da ta halaka ‘yan kasar sama da dubu 200.
Wallafawa ranar:
Zanga-zangar ta Brazil na zuwa a dai dai lokacin da gwamnati ta soma aiwatar da shirin yiwa al’ummar kasar allurar rigakafin cutar ta Korona da kamfanin AstraZeneca ya samar, da ake sa ran kaiwa ga akalla mutane miliyan 2 a zangon farko.
Gwaji ya nuna cewar maganin na AstraZaneca na da tasirin kashi 70.4 wajen dakile cutar Korona.
Alluran rigakafi akalla miliyan 100 Brazil ke fatan samarwa a cikin gida tare da taimakon kamfanin magungunan na AstraZeneca.
Zuwa yanzu akalla mutane miliyan 8 da dubu 700 suka kamu da cutar a Brazil, daga cikinsu kuma sama da dubu 215 sun rasa rayukansu.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu