Kotu ta yankewa wani matashi hukuncin zaman gidan yari na shekaru 20

Wata kotu a jihar Virginia da ke Amurka ta yankewa wani kwararren mai satar bayanai ta dandalin fasahar sadarwa hukuncin zaman gidan yari na tsawon shekaru 20.

路透社

Matashin dan shekara 20 mai suna Ardit Ferizi dan kasar Kosovo ya fuskanci wannan hukunci ne saboda samunsa da laifin taimakawa kungiyar ISIS samun bayanai kan Jami’an sojojin Amurka sama da dubu daya, musamman bada bayanan adreshinsu.

Ferizi ya zama mutm na farko da aka yankewa hukunci bisa zargin alaka da ta’addanci hadi da aikata laifin satar bayanai ta kafar fasahar sadarwa a Amurka.