An danganta ambaliyar ruwa a Faransa da matsalar sauyin yanayi

Shugaba Francois Hollande na Faransa ya jinjinawa magadan gari na kasar dangane da irin rawar da suke takawa wajen kare jama’a a daidai lokacin da kasar ke fama da ambaliyar ruwa.

Ambaliyar ruwa ta tilastawa hukumomi rufe makarantu AFP/Christian Alminana

Yanzu haka dai mutane 9 ne aka tabbatar da cewa sun rasa rayukansu a yankin Turai sakamakon wannan ambaliya da ake dangatawa da matsalar sauyin yanayi.

Ambaliyar ta yi sanadiyar rufe makarantu tare da tilastawa hukumomin kasar kwashe mutanen dake tsare a gidan yari zuwa wani wuri daban.