Shugabannin ECOWAS sun gana kan kasashen Mali da Guinea

Shugaban Najeriya Muhammadu Buhari ya karbi bakuncin wasu shugabannin kasashen yammacin Afrika da suka halarci taron kungiyar ECOWAS karo na 60.

Taron ECOWAS. © REUTERS - KWEKU OBENG

Yayin taron wanda aka fara da safiyar Lahadin nan, shugabannin ECOWAS sun tattauna kan muhimman batutuwan da dama, ciki har da rahotanni akan rikicin siyasa a Mali da kuma Guinea Conakry.

Daga cikin shugabannin da suka samu halartar taron  a Abuja, akwai shugaban kasar Ghana Nana Akufo-Addo, wanda kuma shi ne shugaban kungiyar ta ECOWAS, tare da shugaban kasar Togo Faure Gnassingbe Eyadema, da shugaban Jamhuriyar Nijar Bazoum Mohamed.

Goodluck Jonathan, tsohon shugaban Najeriya kuma jakadan da ECOWAS  ta tura Mali a matsayin babban mai shiga tsakanin rikicin siyasar kasar ma ya halarci taron na Abuja.