'Yan Najeriya na alhinin rashin Amodu Shu'aibu

‘Yan Najeriya na ci gaba da bayyana alhini kan mutuwar tsohon mai horar da tawagar kwallon kafar kasar, Amodu Shu'aibu, wanda ya rasu a cikin daren da ya gabata yana da shekaru 58 da haihuwa.

Marigayi Amodu Shuaibu NFF

Gabanin rasuwar dai, marigayin ya koka da ciwon kirji da ke damunsa kamar yadda hukumar kwallon kafar Najeriya ta shaida wa manema labarai.

Rasuwarsa na zuwa ne, a yayin da ‘yan kasar ke ci gaba da alhinin mutuwar Stephen Keshi, wanda shi ma tsohon kocin tawagar Super Eagles ne da ya rasu yana da shekaru 54 da haihuwa.