An baza dubban jami'an tsaro a Ecuador bayan mutuwar fursunoni 118

Ecuador ta tura 'yan sanda da sojoji kimanin 3,600 don tabbatar da tsaron gidajen yarinta yayin da dangin wadanda aka kashe a daya daga cikin fitattun gidan yarin kasar dake Kudancin Amurka ke neman bayanai game da makusantarsu.

Jami'an tsaron kasar Ecuador, 30 ga watan Satunbar 2021. AFP - FERNANDO MENDEZ

Akalla fursunoni 118 aka kashe, shida daga cikinsu kuwa an fille kawunansu, yayin da wasu gungun kungiyoyi biyu masu adawa da juna dauke da bindigogi da gurneti suka shiga yaki a gidan yarin Guayaquil ranar Talata.

Yayin da yanzu haka wasu mutane 86 da suka jikkata sakamakon artuban ke karban magani.