Trump ya musanta boye bayanan ganawarsa da Putin
Shugaban Amurka Donald Trump ya musanta zargin boye wasu muhimman batutuwa da ya tattauna akai da takwaransa na Rasha Vladmir Putin a shekarar 2017.
Wallafawa ranar:
Trump ya musanta zargin ne a lokacin da yake mayar da martani ga Jaridar Washington Post, da ta rawaito cewa, ya kwace rubutun da tafinta yayi, bayan kammala ganawar tasa da Putin a garin Helsinki.
Zalika Rahoton na Washington Post, ya ce har yanzu babu wanda yasan inda aka boye tattaunawar tsawon awanni biyu da ta gudana tsakanin Trump da Putin a waccan lokacin, wadda aka nada.
Tun a shekarar 2016 dai, alaka tsakanin shugaba Trump da Rasha batu ne da hukumar binciken Amurka ta FBI ke nazari akai, bisa zargin tawagar yakin neman zabensa ta hada kai da jami'an Rasha, wajen taimaka masa lashe zaben 2016, da kuma dakile farin jinin abokiyar hamayyarsa Hillary Clinton.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu