An kashe 'yan sandan Amurka hudu a Dallas
Wasu ‘yan kyare sun harbe jami’an ‘yan sandan Amurka hudu har lahira a lokacin wata zanga zangar nuna adawa da kisan bakaken fata biyu da ‘yan sandan suka yi.
Wallafawa ranar:
Har ila yau zanga zangar wadda aka gudanar a jiya Alhamis a birnin Dallas na Texas ta yi sanadiyar jikkatar ‘yan sanda bakwai kamar yadda hukumomi suka sanar.
Wannan na zuwa ne bayan ‘yan sandan sun kashe Philando Castile a jihar Minnesota a ranar Laraba da kuma Alton Sterling a jihar Louisiana a ranar Talata.
Rahotanni na cewa, yanzu haka ‘yan sanda na kokarin shawo kan wani mutun dauke da bindiga mai sarrafa kanta a wani gareji, inda ya ke ta harbe harbe a cikin iska tare da yin barazar hallaka ‘yan sanda da dama kamar yadda shugaban ‘yan sandan na Dallas David Brown ya tabbatar.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu