Mata na iya kamuwa da Cancer ta hanyoyi da dama

Wani Binciken masana ya bayyana wasu sinadarorin guda 17 da ake amfani da su a gidaje da ke haifar da cutar cancer ko kuma sankarar Mama ga mata. Rahotan wanda Daraktan Cibiyar binciken Silent Spring, Ruthan Rudel ya rubuta, ya zana sinadarori da suka hada da iskar gas na girki da man gas da ake sanyawa a mota da hayakin da ke fita daga mota da tufafi da ke da sinadarin hana daukar datti.

Kwayoyin cutar Sankara ko Cancer (DR)

Sauran sun hada da sinadarin da ake fitar da fenti da wanda ake tsabtace ruwan sha da su.

Julia Brody, wata da ta taka rawa a binciken na masana, tace kowacce mace a Amurka na fuskantar hadarin kamuwa da cutar sankarar Mama saboda yadda suke amfani da wadanan sinadarai yau da kullum.