Harin bama bamai ya kashe mutane tare da jikkata da dama a Afghanistan

Mutane 2 sun mutu a Afghanistan, sakamakon fashewar wasu bama-bamai uku a birnin Jalalabad a ranar Asabar.

'Yan Afganistan a wajen Asibitin Musamman na Yankin Nangarhar bayan fashewar bama bamai a birnin Jalalabad, ranar 18 ga Satumba, 2021. © AFP

Harin dai shi ne irin sa na farko da aka kai a Afghanistan bayan sake karbe mulkin kasar da kungiyar Taliban ta yi a watan Agusta.

Bayanai sun ce akwai mata da kananan yara a cikin mutane akalla 18 da suka jikkata a harin bama baman.

Jalalabad shi ne babban birnin Nangarhar, in da kuma ke zama yankin da kungiyar IS reshen Afghanistan ke da karfi.