Majalisar Dinkin Duniya ta damu da tsare musulmi milyan 1 a China

Majalisar Dinkin Duniya ta bayyana damuwa kan yadda hukumomin China ke tsare da 'yan kabilar Uighur Musulmi kusan miliyan guda a karkashin wani shiri na yaki da ta’addanci.

Majalisar ta bukaci gaggauta sakin mutanen su kusan Milyan 1 ko da dai hukumomin na China sun ce suna ci gaba da tsare su ne saboda barazanar da su ke da shi ga tsaron kasar. Yuri KADOBNOV / AFP

Majalisar ta bukaci gaggauta sakin daukacin mutanen da ake tsare da su, yayin da 'yan Majalisun Amurka suka bukaci sanyawa manyan jami’an China takunkumi kan tsare mutanen a Yankin Xinjiang.

Kasar China taki amincewa da zargin, inda ta ke cewa wadanda ta kama masu tayar da hankali ne a Yankin.