Indiya ta amince da maza-mata a matsayin jinsi na uku na al'umma

Kotun kolin kasar Indiya ta amince da maza-mata a matsayin jinsi na uku na al’umma da ke da dukkanin hakkokin da ya kamata a bai wa mata ko kuma maza a kasar.  

aurar da kananan yara a India Wikimedia Commons/Adarshsamaj

Hukuncin kotun ya bukaci gwamnatocin jihohi da kuma na tarayyar da ssu dauki maza-mata a matsayin jinsi na uku na al’umma a hukumance, kuma a ba su dukkanin hakkokin da suka wajaba.

Wannan dai na nufin cewa akwai jinsi na uku na dan adam a kasar ta Indiya, kuma kamar yadda mai shari’a Radha-krishnan alkali a kotun kolin ya bayyana, ba wai an yanke hukuncin ne saboda dalilai na jinkai ko kuma na kiwon lafiya ba, sai dai saboda batutuwa na kare hakkin bil’adama.