Dakarun Burkina Faso sun kashe sama da 'yan ta'adda 100 a arewacin kasar
Rundunar sojin Burkina Faso ta ce dakarunta sun kashe ‘yan ta’adda 112 a jerin gwabzawa da suka yi a cikin ‘yan kwanakin nan, inda ita ma ta yi asarar mayakanta 11.
Wallafawa ranar:
Wata sanarwa daga rundunar sojin ta ce an kadamar da jerin samame a lokaci guda da zummar sake kwato yankunan da ke hannun ‘yan ta’adda a arewa maso gabashin kasar ba tare da bayyana takamammen lokacin wadannan samame ba.
Baya ga kashe wadannan ‘yan ta’adda, sojin Burkina Faso ta kuma lalata tare da karbe dimbim makamai, motoci da Babura da kuma ababe masu fashewa.
Sanarwa sojin ta kara da cewa dakarun gwamnatin sun samu nasarar kwato yankuna da dama sakamakon wadannan hare hare da aka shafe kwanaki ana kai wa ‘yan ta’adda.
A cikin farkon wannan watan na Maris, mayaka masu ikirarin jihadi sun kashe fararen hula da dama, sai dai duk da cewa gwamnati ba ta bayyana adadin wadanda aka kashe ba, wata kungiyar kare hakkin dan adam ta ce sun kai 60.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu