Kenya ta kori shugaban kamfanin makamashi na Rubis mallakin Faransa

Kasar Kenya ta kori shugaban kamfanin makamashi na Rubis mallakin Faransa biyo bayan ta’azzarar matsalar karancin man fetur, lamarin da ya tilasta wa jama’a yin dogon layi a gidajen sayar da man.

Birnin Nairobi, a kasar Kenya SOPA Images/LightRocket via Gett - SOPA Images

Ma’aikatar makamashi ta Kenya ta ce, an kori Jean-Christian Bergeron ne sakamakon zargin sa da yi wa tattalin arzikin Kenya zagon-kasa ta hanyar boye man fetur da kuma fitar da shi zuwa can ketare a daidai lokacin da kasar ke cikin bukata.

Monica Juma Ministar cikin gidan kasar Kenya State Department photo/ Public Domain

Ta bakin Ministan cikin gidan kasar ta Kenya Monica Juma yayin ganawa da manema labarai,jami'in ya fice daga kasar ta Kenya,hukumomi cikin gaggawa zasu magance wannan matsala.

Kamfanin na Rubis ya musanta zargin da ake masa na kara kudin man a kasar ta Kenya.