Ana shirin rantsar da Adama Barrow a matsayin shugaban kasar Gambia, a wani biki da aka tsara gudanarwa a cikin ginin ofishin jakadancin Gambia da ke birnin Dakar na Senegal. Wannan na faruwa a daidai lokacin da majalisar dokoki ta tsawaita wa’adin mulkin Yahya Jammeh har na tsawon watanni uku. Abdoulkarim Ibrahim Shikal ya tattauna da Abdurrahman Alkasum, masani lamurran siyasar Afirka kan yadda ya ke kallon dambarwar siyasar kasar.
