Shugaba Buhari ya sake gargadin tsagerun Niger Delta

Shugaban Najeriya Muhammadu Buhari ya ja kunnen tsagerun yankin Nija Delta da su rungumi sasantawa da gwamnati domin a cewarsa gwamnati a shirye ta ke ta dauki kowane irin mataki wajen ganin ta tabbatar da dorewar Najeriya a matsayin kasa daya al’umma daya.

Tsoffin mayakan MEND a yankin Niger Delta a 2008 (Photo : AFP)

Shugaban ya bayyana hakan ne yayin da yake karbar shuwagabannin Addinai a karkashin jagorancin mataimakinsa Farfesa Yemi Osinbanjo a wani shirin gaisuwar Sallah da suka kai a wannan laraba.

Har ila yau shugaba Buhari ya sake jan kunnen wadanda ake zargi da yin rub-da-ciki da dukiyar al’umma da su yi kokarin dawo da ita cikin girma da arziki kafin gwamnatin ta fuskance su.