Mutane 13 sun mutu akan hanyar zuwa bikin Sarauniyar Kyau a Swaziland
Akalla mutane 13 suka mutu kuma akasarin su ‘yan mata ne da ke kan hanyar zuwa bikin zaben macen da tafi kyau da Sarki Mswathi na Swaziland zai aura a matsayin matarsa ta 15.
Wallafawa ranar:
Mai Magana da yawun ‘Yan Sandan kasar Khulekani Mamba ya ce cikin adadin mutanen da suka mutu, 11 ‘Yan mata ne da ke kan hanyarsu ta zuwa bikin zaben wadda ta fi kyau da sarkin zai aura.
Rahotanni sun ce an yi hatsarin ne ranar juma’a da daddare lokacin da motar safar da suke ciki ta yi taho-mu-gama da wata karamar mota tsakanin birnin Mbabne da Manzini.
A yau Litinin da ake saran gudanar da bikin wanda kan janyo dubban ‘Yan Mata da ke neman ganin Sarki ya zabe su.
Sarki Mswathi dai yanzu haka yana da mata 14.
Sai dai wasu bayanai na dabam sun ce ke adadin matan da suka mutu ya haura 30.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu