MDD ta bukaci Tanzania ta kwantar da hankali kan Ebola

Majalisar Dinkin Duniya ta bukaci al’ummar kasar Tanzania su kwantar da hankalinsu sakamakon rasuwar wani dan gudun hijira da ya zubar da jini ta ido da kunne kafin ya mutu wanda ake cewa cutar ebola ce. 

Jami'an dake aikin kawar da cutar Ebola REUTERS/James Giahyue

Hukumar lafiya ta Majalisar da kuma hukumar kula da Yan gudun hijira sun ce binciken da jami’ai suka gudanar bai nuna musu cewar cutar ebola ce ta kashe mutumin ba.

Mai Magana da yawun ma’aikatar lafiyar kasar Nsachiris Mwamwaja yace ana cigaba da gudanar da binciken likita akan gawar.