MDD ta ce mutane 100 sun hallaka cikin wani rikici a Libya

Majalisar Dinkin Duniya ta ce hankula sun tashi a kasar Libya, sakamakon fadar kabilancin da ya hallaka sama da mutane 100, ya kuma sa daruruwa suka rasa matsuguninsu a Kufra, dake Kudu maso Gabashin kasar. 

Fadan ya kazance tsakanin kabilun Toubu da Zwai suka bayar, yayin da ake kokarin sasanta bangarorin.

Tashin hankali a Libya, ya zama ruwan dare, tun bayan kifar da Gwamnatin Marigayi Shugaba Muammar Ghadafi, cikin yakin basasan kasar.