Brighton ta fitar da Liverpool daga gasar cin kofin FA
Kungiyar kwallon kafa ta Brigton ta yi waje da takwararta ta Liverpol daga gasar cin kofin FA , gasa ta biyu mafi girma a Ingila bayan doke ta a wasansu na jiya da kwallae 2 da 1.
Wallafawa ranar:
Kaoru Mitoma ne ya zura kwallo a karin lokaci ana daf ta tashi wasa 1 -1 inda ya taimakawa kungiyar zuwa mataki na gaba tare da yin waje da Liverpool mai rike da kambun gasar.
Tawagar Jurgen Klopp, wadda aka doke su da kwallaye 3 da nema a Seagulls makonni biyu da suka gabata, ita ta jagoranci wasan, da kwallo daya da nema, kwallon da dan wasanta na gaba Harvey Elliott ya zura mata.
Sai dai bayan dawowa daga hutun rabin lokaci Brighton ta rama kwallon ta hannun Lewis Dunk a minti na 39, kafin dada bisani ta kara kwallo ta biyu ana gab da tashi.
Rashin nasarar ko kuma kubcewa kambun na FA da Liverpool ke karewa a kara matsin lamba ga Manaja Jurgen Klopp wanda tuni aka fara kiraye-kirayen korar shi.
Liverpool dai na fama da rashin nasara ne a wannan kaka inda ta ke ganin mummunan koma baya a teburin Firmiya.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu