Dan Najeriya ya taimakawa Villareal zuwa wasan daf da na karshe na zakarun Turai
Villareal ta kai karawar daf da karshe na gasar cin kofin zakarun turai, bayan tashi wasa 1-1 a gidan Bayern Munich daren Laraba
Wallafawa ranar:
Kwallan da dan wasan Najeriya Samuel Chukwueze ya farke a minmtuna na 88 ya taimakawa kungiyar ta Spain zuwa zagayen daf da karshe a gasar, saboda wasan farko da aka fafata ranar 6 ga watan Afirilu Villareal ta ci Bayern Munich 1- 0 a gida.
Robert Lewandowski ne ya fara ci wa Bayern kwallo, a mintuna na 52 wato bayan dawowa daga hutun rabin lokacin a Allianz Arena, amma kuma farkewar da Chukwueze yayi ya dagulawa Bayern lissafi.
Yanzu dai Villareal na jiran duk wadda ta yi nasara tsakanin Liverpool da Benfica da za su kece raini ranar Laraba.
A wasan farko da kungiyoyin suka fafata ranar Talata 5 ga watan Afirilu, Liverpool ta doke Benfica 3-1.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu