United ta sake mallaka wa Ronaldo lamba 7
Kungiyar Manchester United ta bada tabbacin cewa Cristiano Ronaldo zai sake sanya riga mai lamba 7 bayan komen da yayi mata, shekaru 12 bayan sauyin shekarar da yayi daga Kulob din a karon farko.
Wallafawa ranar:
Ronaldo mai shekaru 36 ne dai ya sanya rigar a lokacin da ya fara taka leda a kungiyar daga shekarar 2003 zuwa 2009, kafin ya koma Real Madrid, da kuma Juventus.
A waccan lokacin, Ronaldo ya ci wa United kwallaye 118 a wasanni 292 da ya buga mata, tare da taimaka mata wajen lashe kofuna tara, ciki har da na gasar Firimiya uku da na Zakarun Turai daya.
A baya bayan nan ne dai Angel Di Maria ya caccaki Manchester United kan yadda kungiyar ta ke baiwa riga mai lamba 7 matsayi na musamman.
Dan wasan na Argentina ya ce bai taba damuwa da gadon rigar mai lamba bakwai a Manchester United ba, a lokacin da ya koma kungiyar.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu