Cavani ya tsawaita yarjejeniyarsa da United zuwa 2022

Dan wasan gaba na Manchester United Edinson Cavani ya rattaba hannu kan tsawaita yarjejeniyarsa da kungiyar da karin shekara guda, wadda za ta kare a watan Yunin shekarar badi ta 2022.

Dan wasan gaba na Manchester United Edinson Cavani. AP - Jon Super

Dan wasan mai shekaru 34 na cigaba da taka rawar gani a wasannin da United ta fafata a ciki da wajen Ingila a makwannin baya bayan nan, inda ya ci kwallaye takwas, tare da taimakawa wajen cin wasu 3, cikin wasanni 7 da ya buga.

A jumlace kwallaye 15 Cavani ya ciwa Manchester United a dukkaninsu wasannin da ya buga mata na kakar wasa ta bana, 9 daga cikinsu kuma ya jefa su ne a gasar Firimiyar Ingila.