Tuchel ya goge tarihin da Mourinho ya kafa a Chelsea

Sabon kocin Chelsea Thomas Tuchel ya kafa tarihin zama mai horas da kungiyar na farko cikin shekaru 16 da ya jagoranci wasanni 3 na farko bayan kama aiki ba tare da yayi rashin nasara ba.

Kocin Chelsea Thomas Tuchel tare da 'yan wasansa REUTERS

Tuchel ya kafa tarihin ne bayan doke kungiyar Tottenham da 1-0, yayin fafatwar da suka yi a gasar Premier ranar Alhamis.

Rabon da wani sabon koci ya samu irin wannan nasara a Chelsea tun cikin watan Agustan shekarar 2004, lokacin da Jose Mourinho ya karbi ragamar jagorancin kungiyar.

Yanzu haka Chelsea ce ta 6 a gasar Premier da maki 36.