Schweinsteiger ya dawo atisaye
Manchester United ta dawo da Bastian Schweinsteiger atisaye a babbar tawagar kungiyar bayan Mourinho ya mayar da kaftin din na Jamus saniyar-ware tun zuwan shi Old Trafford.
Wallafawa ranar:
Manchester United ta wallafa hoton Schweinsteiger a intanet yana atisaye tare da sauran ‘Yan wasanta a yau Litinin.
Dan wasan dai ya koma dan kallo daga nesa bayan zuwan Mourinho a Manchester United inda ko a wasannin share fagen kaka da kungiyar ta buga da kuma wasannin Europa Lig ba a sa Schweinsteiger ba.
Kiran Schweinsteiger na zuwa ne bayan Manchester United ta buga wasannin Firimiya uku ba tare da nasara ba inda a karshen mako Burnley ta rike Mourinho babu ci 0-0 a Old Trafford.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu