Rooney ya zama Kaftin na Manchester

Louis van Gaal, ya nada Wayne rooney a matsayin kaftin na Manchester United, bayan United ta doke Valencia ci 2 da 1 a wasan sada zumunci da suka fafata a filin wasa na Old Trafford. Roonay ya gaji Vidic ne wanda ya koma Inter Milan.

Wayne Rooney na Manchester United REUTERS/Phil Noble

Van Gaal yace Rooney ya cancanci ya jagoranci Manchester bayan ya yaba masa.
Rooney kuma wanda a baya ya so ficewa Manchester ya gode wa Van Gaal ga sabon mukamin inda kuma ake hasashen zai zama kaftin na Ingila bayan Steven Gerrard ya yi murabus.

A jiya Talata kuma kungiyar Chelsea ta doke Real Sociedad ci 2-0 kuma sabon dan wasan kungiyar ne Diego Costa ya jefa kwallaye biyu a raga.

Kungiyar Liverpool kuma ta kammala cininkin Alberto Moreno daga Sevilla.