Na’urar Camera ta nuna hoton wani da ake zargin ya kai harin Marathon a Boston

Masu gudanar da binciken harin tseren gudun Marathon da aka kai a Boston sun shiga farautar hoton wani mutum da na’urar Camera ta nuna ya ajiye wata jikka a gefen da Bama bamai suka tashi da suka kashe mutane uku tare da raunata sama da 170.

Masu gudanar da Binciken Harin Marathon a Boston REUTERS

Mahukutan birnin Boston sun tabbatar da haka, sai dai har yanzu ba a gano sunan shi ba.

Daga cikin wadanda suka mutu an gano sunan wani dalibin Jami’ar Boston mai suna Lu Lingzi daga kasar China.