Ronaldo ya sake kafa sabon tarihi a duniyar tamola
Dan wasan gaba na Juventus, Cristiano Ronaldo, a ya sake kafa wani sabon tarihi a daren Lahadi, bayan doke Sassuolo da ci 3-1 a karawar da suka yi a gasar Seria A.
Wallafawa ranar:
Juventus ta doke Sassuolo a Allianz, saboda kwallayen da Danilo da Aaron Ramsey da Cristiano Ronaldo suka ci.
Pedro Obiang ne ya ciwa Sassuolo kwallo daya.
Kwallon da Ronaldo ya ci a wasan na jiya ya nuna cewa kyaftin din na Portugal a yanzu ya zama dan wasa daya tilo da ke cin akalla kwallaye 15 a kowacce kaka cikin shekaru 15 da suka gabata a manyan gasanni biyar na Turai, wato tun daga shekarar 2006 ya fara .
Dan wasan mai shekaru 35 na fatan jagorantar Juventus zuwa nasara a wasansu na gaba da Genoa a wasan Coppa Italia a ranar Laraba.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu