'Yan sanda sun kama masu adawa da gwamnatin Rasha
Jami’an 'yan sandan kwantar da tarzoma sun kama ‘yan adawa da dama da suka gudanar da gagarumar zanga-zanga a birnin Msocow na Rasha, inda suka bukaci gudanar da sahihin zabe a kasar.
Wallafawa ranar:
Kimanin ‘yan adawa dubu 50 ne suka fito kan titunan Moscow domin zanga-zangar ta ranar Asabar.
Masu zanga-zangar dauke da alluna sun yi ta wake-waken neman a ba su ‘yancin kada kuri’a, yayinda suka kira shugaban kasar da makaryaci.
Masu zanga-zangar na ci gaba da nuna bacin ransu kan matakin cire sunayen ‘yan adawa daga cikin jerin sunayen ‘yan takarar da za su fafata a zaben kananan hukumomi a cikin watan gobe.
An dai bayyana wannan gangamin a matsayin daya daga cikin zanga-zanga mafi girma da aka gudanar tun bayan komawar shugaba Vladmir Putin kan karagar mulki a shekarar 2012.
A can baya dai, jami’an kwantar da tarzomar sun kama masu irin wannan gangami har dubu 2, lura da cewa sun fantsama kan tituna ne ba tare da izinin mahukunta ba a cewar ‘yan sandan.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu