‘Yan adawa sun nemi a dakile ba bakin haure shedar zama Faransawa
Jam’iyyar UMP ta tsohon shugaban Faransa Nicolas Sarkozy za ta gabatar da wani kudiri a Majalisa da zai dakile ba ‘yayan bakin haure da aka Haifa a cikin kasar shedar zama ‘yan kasa, wannan kudirin kuma ya janyo suka daga bangaren ‘yan kishin kasa.
Wallafawa ranar:
Shugaban Jam’iyyar ta UMP Jean-Francois Cope yace zasu gabatar da kudirin ne a gaban Majalisa a farkon 2014 wanda aka tsara domin sake fasalta tsarin dokar shige da fice a Faransa.
Mista Cope ya kare matakinsu yana mai cewa iyayen da suka shigo Faransa ta barauniyar hanya ba su da izinin samun shedar zama ‘yan kasa.
A tsarin dokar Faransa duk ‘yayan da aka Haifa a Faransa suna da ‘Yancin samun shedar zama ‘yan kasa idan sun kai shekaru 18 kuma sun kwashe tsawon shekaru akalla 5 zuwa 11 a cikin kasar.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu