An cafke wani Dan Jarida a Birtaniya saboda zargin Cin Hanci

‘Yan sanda a Birtaniya sun Cafke wani Editan shahararriyar Jaridan The Sun, saboda zargin shi da bai wa ma’aikatan gwamnati toshiyar baki. Jami’an tsaron sun cafke Duncan Larcombe, a gidan shi da ke Kent a kudancin Ingila, tare da cafke wasu tsoffin Jami’an tsaro Biyu Mace da Namiji, a gidan su da ke Lancashire.

Jaridu da Mujallu a wajen sayarwa Wikimedia Commons

Sai dai dukkaninsu an bada su Beli har zuwa watan Yuli kamar yadda ‘Yan Sandan kasar suka bayyana.

Ana zargin dan jaridan da hada baki wajen bayar da toshiyar baki, da aikata ba daidai ba a aikin gwamnati.