Barazanar ramuwa daga 'yan bindiga na daf da tada unguwa guda a Gusau
Mazauna unguwar Mareri Quarters da ke Gusau, babban birnin jihar Zamfara sun fita daga unguwar sakamakon tsoron hari daga ‘yan bindiga.
Wallafawa ranar:
Kafafen yada labaran Najeriya sun ruwaito yadda ‘yan sa kai, da hadin gwiwar jami’an tsaro suka ceto shugaban hukumar sufuri ta jihar Zamfara Aminu Adamu (Papa), bayan da ‘yan bindiga suka sace shi da iyalansa.
Mazauna Unguwar ne suka sanar da ‘yan sintiri kan batun sace Papa da iyalansa, su kuma ba su yi wata wata ba suka shiga aikin ceton su.
Bayan da suka ceto su ne, suka sanar da jami’an tsaro, wanda suka datse hanyoyin fita ga su ‘yan bindigan, lamarin da ya sa aka kashe 6 daga cikin barayin.
Wani mazaunin Unguwar ya ce akasarin makawaftansa ba sa kwana a gidajensu tun bayan aukuwar lamarin, don gudun abin da ‘yan bindigan ka iya aiwatarwa a matsayin ramuwa.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu