Coronavirus ta kashe mutane 17 cikin sa'o'i 24 a Najeriya

Hukumar Yaki da cututtuka a Najeriya tace mutane 17 suka mutu jiya, yayin da 409 suka kamu da cutar coronavirus a fadin kasar.

Jami'an kula da annobar korona a Najeriya Kola Sulaimon / AFP

Hukumar tace daga cikin sabbin mutanen 201 sun fito ne daga lagos, 85 daga Abuja, 22 daga Delta, 16 a Edo, jihohin Nasarawa da Borno da Kaduna, kuwannensu nada 14-14, Bauchi na da 10, Kano nada 5,  sai Kebbi da Plateau da 2 - 2.

A ranar 27 ga watan Fabairun da ya gabata, gwamnatin Najeriya ta tabbatar da mutun na farko da ke dauke da cutar a kasar, inda ya zuwa yanzu Najeriya ta samu mutane 13,873 da suka kamu da cutar, 382 sun mutu, yayin da 4,351 sun warke.