Cutar Sankara zata karu kafin 2030

A ranar 4 ga watan Fabrairu ne Majalisar dinkin Duniya ta ware domin yaki da cutar Sankara ko Daji da ake kira Cancer a fadin duniya. A cikin wani Rahoto na Majalisar Dinkin duniya an bayyana cewa za’a samu karuwar masu kamuwa da cutar zuwa shekarar 2030.

Tsohon Shugaban kasar Amurka George Bush tare da shugaban kasar Tanzania Jakaya Kikwete lokacin da suka kai ziyara ga wata da ta samu tsira daga cutar Cancer Theresia Cosmas Chibongo REUTERS/Emmanuel Kwitema

An bayyana cewa kusan mutane Miliyan takwas ne ke mutuwa da cutar a duk shekara a fadin duniya, kuma sama da ‘yan Najeriya Dubu Dari Biyu da Hamsin ne ke kamuwa da cutar duk shekara, wadda saboda haka ne ake ganin tana sahun gaba a cikin cutuka masu saurin kashe jama’a a fadin duniya duniya.

Wakilinmu RFI Hausa daga Bauchi, a Najeriya Muhammad Ibrahim ya duba mana matsayin cutar a duniya da Najeria a cikin rahoton da ya aiko.

03:01

Rahoto: Cutar Sankara zata karu kafin 2030

Muhammad Ibrahim Bauchi