Kano ta yi guzurin Kofi uku a gasar Polo a Lagos

Shirin Duniyar wasanni ya leka ne gasar kwallon Dawaki ta Polo da aka kammala a birnin Lagos shiyar kudu maso yammacin Najeriya. A ranar 27 ga watan Fabrairu ne aka bude gasar a birnin Lagos wanda kuma aka kammala kuma a ranar Lahadi 10 ga watan Maris.

Dan wasan Kwallon dawakin kungiyar Kano Titans tare da dan wasan Lagos Ironclad a lokacin da suke karawa a wasan karshe na neman lashe kofin Majekudomi.

Jerin Gasa kusan guda shida ne aka gudanar wadanda suka kunshi gasar lashe kofin Dansa da gasar sarkin Lagos wato Oba Cup, akwai Italian ambassadors Cup da independent cup da kuma gasar lashe babban kofi na Majekudomi. A cikin Shirin za ku ji Jihar Kano ta lashe kofuna uku.

Shugabannin shirya gasar Polo tare da Alhaji Aliko Dangote tare da Tajuddeen Dantata shugaban kungiyar Kano Titans da suka lashe kofin Majekudomi