IS ta dauki alhakin harin da ya kashe mutane 56 a masallacin Pakistan

Kungiyar IS ta dau alhakin harin kunar bakin wake da ya yi sanadin mutuwar mutane 56 a wani masallacin mabiya mazahabar Shi’a a birnin Peshawar a jiya Juma’a.

IS ta dau alhakin harin kunar bakin wake na masallacin Pakistan. AP - Rahmat Gul

Kungiyar ta wallafa wani shafinta da ake kira Amaq cewa wani mujahidi ya yi nasara a harin da ya kai wani masallacin ‘yan Shi’a.

Mummunan harin  bam din na zuwa ne a rana ta farko ta wasan kwallon Cricket tsakanin Pakistan da Australia a Rawalpindi kilomita 190 daga gabashin birnin a Peshawar.