Afghanistan: Shugaban Taliban ya yi na'am da tattaunawar zaman lafiya

Shugaban kungiyar Taliban Hibatullah Akhundzada ya bayyana goyon bayansa ga batun sulhunta rikicin Afghanistan a siyasance, duk da cewa kungiyar mai tsananin ra’ayin addini ta kaddamar da hare hare a fadin kasar.

Wakilan Taliban a taron zaman lafiya a Doha. KARIM JAAFAR AFP

 Akhundzada ya ce duk da nasarar da kungiyarsa ke samu a halin yanzu,  ta yi na’am  da warware rikicin cikin ruwan sanyi, kuma za ta yi amfani da duk wata dama ta kafa daular Musulunci a Afghanistan.

Sanarwar ta sa na zuwa ne a daidai lokacin da wakilan bangarorin da ke kai ruwa rana ke taron lalubo zaman lafiya a birnin Doha, lamarin da ke bada kwarin gwiwar cewa an farfado da tattaunawar da aka fara tsakaninsu tun da farko