ISIL za ta ci gaba da fafutuka don rike birnin Mosul

Shugaban Kungiyar ISIL Abubakar al-Baghdadi ya bukaci mayakan sa dake Mosul da kar su bada kai bori ya hau a fafatawar da suke wajen ci gaba da iko da garin.

Shugaban kungiyar ISIL mai da'awar jihadi Abakr al-Baghdadi. REUTERS/Social Media Website via Reuters TV

Shugaban ya bayyana hakan ne  a wani sakon da ya aika ta intanet, inda yake shaida musu cewar ci gaba da tirjiya wajen kare garin shine mafi alkhairi a gare su.

Baghdadi ya gargadi mayakan da su kare kasar su wajen yakar mayakan dake neman raba su da garin.

Babban birnin Mosul wadda shine gari na biyu mafi girma a kasar Iraki ya fada hannun kungiyar ISIL shekaru biyu da suka gabata kafin yanzu gwamnati kasar ta yunkuro da shirin sake karbe birnin.