China ta amince ta yi atisaye da Amurka

Karon farko a cikin tarihi, kasar China ta amince ta shiga wani atisayen soja na hadin gwaiwa tsakaninta da Amurka da kuma kasar Australia a cikin watan Oktoba mai zuwa kamar dai yadda ma’aikatar tsaron Amurka ta Pentagon ta sanar.

Xu Caihou Shugaban hukumar rundunar Sojin China Reuters

Za’a gudanar da atisayen ne a wani yanki da ke arewacin kasar Australia, kuma gayyatar kasar China domin shiga wannan atisaye na hadin gwiwa, kamar dai yadda manazarta al’amurran siyasa ke cewa, ba ya rasa nasaba da yunkurin da Amurka ke yi na kara kyautata alakarta da kasar Sin.