MDD na fargaba kan yaduwar annobar coronavirus a yankin Tigray

Majalisar dinkin duniya ta bayyana fargaba kan yiwuwar fuskantar yaduwar annobar coronavirus a yankin Tigray mai fama da rikici a kasar Habasha.

Wasu daga cikin dubban 'yan gudun hijirar da suka tserewa rikicin yankin Tigray zuwa cikin Sudan. AP Photo/Nariman El-Mofty, File

Gargadin na kunshe cikin wani rahoto da majalisar ta wallafa a karshen makon nan kan fadan da ake gabzawa tsakanin dakarun gwamnati da ‘yan tawayen TPLF a yankin na Tigray, wanda ya dubban mutane da muhallansu, gami da rushewar asibitoci da sauran cibiyoyin kula da lafiya.

Sai dai tsawon akalla watanni 2 bayan barkewar rikicin, jami’an agaji sun samu damar fara ayyukan jin kai a yankin.

Rikicin yankin na Tigray dai yayi barazanar zama babban kalubale ga Habsha kasa ta biyu mafi yawan jama’a a Afrika, zalika tuni rikicin ya soma shafar makwabtan kasar da suka hada da Sudan, da kuma Eritrea.