Yan bindiga sun kashe dakarun Majalisar Dinkin Duniya a Kidal

Majalisar Dinkin Duniya ta ce an kashe dakarun ta guda biyu dake aikin samar da zaman lafiya a Mali, yayin da aka raunana wasu guda 10 a harin da aka kai sansanin su dake Aguelhok.

Aguelhok dake arewacin garin Kidal yankin da aka jibge dakarun Minusma David Baché/RFI

Kungiyar MINUSMA dake kula da dakarun, ta ce an kai harin ne da misalin karfe 6 da mituna45 na yammacin jiya juma’a, lokacin da aka harba musu makami mai linzami.

Ya zuwa yanzu ba’a iya tantance ko sojojin wacce kasa ne hadari ya ritsa da su ba.