Dole ne a nada ministoci 110 a Ghana-Akuffo-Addo

Shugaban Ghana Nana Aufo-Addo ya kare matakin da ya dauka na nada ministoci 110 don tafiyar da gwamnatin karamar kasar da ke Yammacin Afrika. 

Shugaban Ghana Nana Akufo-Addo a yayin bikin rantsar da shi a matsayin sabon shugaban kasar bayan ya doke John Mahama a zaben da aka gudanar REUTERS/Luc Gnago

Matakin dai na ci gaba da shan suka daga al’ummar kasar musamman a shafukan sada zumunta.

Sai dai a wata hira da ya yi da gidan Talabijin na kasar, shugaba Akuffo-Addo ya ce, dole ne daukan irin wannan mataki don gaggauta samar da sauyi a Ghana.

Mr. Ado ya kuma jaddada cewa, sabuwar gwamnatinsa ba za ta bannatar da kudi ba kamar yadda Jama’a ke zato.