An dambace tsakanin ‘yan majalisa da jami’an tsaro a Afirka ta Kudu

An bai wa hamatta iska tsakanin ‘yan majalisar dokoki na bangaren adawa da kuma jami’an tsaron kasar Afirka ta Kudu a yau talata, lokacin da ake kokarin fitar da ‘yan adawar daga cikin zauren majalisar.

Rikici a Majalisar Dokokin Afrika ta Kudu AFP

Wasu ‘yan majalisar 20 daga bangaren adawa ne suka kece da ihu a lokacin da shugaba Jacob Zuma ke gabatar da jawabi, lamarin da ya sa jami’an tsaro yin amfani da karfi domin fitar da su, toh daga nan ne aka fara dambe a tsakaninsu.

Shugaba Jacob Zuma na ci gaba da fuskantar matsin lamba na yayi murabus daga mukaminsa tun bayan badakalar yin anfani da kudadden gwamnati wajen kawata muhallinsa.