Za a bincike sojojin Burundi saboda cin zarafi

Majalisar dinkin duniya za ta tasa keyar wasu sojojin Burundi da ke aiki a Jamhriyar Afrika ta Tsakiya zuwa kasarsu ta asali, domin fuskantar tuhuma akan zargin da ake yi musu na hannu a cin zarafin kananan yara mata a Afrika ta tsakiya mai fama da rikici. 

Ana zargin sojojin Buruni da hannu a laifin cin zarafin kananan yara mata a Afrika Tsakiya RFI

Wata majiyar majalisar a birnin Bangui ta ce, nan da ‘yan kwanaki masu zuwa za a tasa keyar Pierre Niyonzima da Jimmy Rushehse da kuma Jean Mushimantwari da ke sa ido kan aikin soji a Afrika ta Tsakiya .

Majalisar dinikin duniya ta ce, ta samu bayanai da ke nuna cewa sojojin sun keta hakkin bil’adama, kuma tuni aka sanar da hukmomin Burundi akan wannan shirin.